Moosbierbaumer Dorfblatt'l. Unabhängige Moosbierbaumer Dorfzeitung
Jahrgang 7 • Ausgabe 21 • Dezember 2005

 

Bombmdrichta


Unsa Schbüblotz hod vüüle Gruam und Lecha ghobd,
grosse, mittlare und glane.

Bombmdrichta ausn Griag.

In maunche san Holastaun aufgaunga,
und in an is sogoa a Grichalbam gwoxn.

Soiche Grichal, de gibts heit nimma.

In maunche Drichda haum d Hoosn zicht
und in aundare is Schud und oids Glumpad oglond woan.

Do samma gean schtialn gaunga.

Umadum woan Wiesn mid Gloggnbluman,
Magritn, Stanagal und Zittagroos.

A blirada Deppich.

Voa a boa Joa is daun zuagschütt und aufgschütt woan -
und heit gibts wieda vüü Groos und vüüle Lecha duat.

Owa gauns glane.

Ob de Leid mid de Goifschlega wissen,
dass auf lauta grosse Lecha spüün?

Ans mecht i no sogn, bevoa is vagies:

In an Bombndrichta howi daumois
a Wasn in Heazfoam gfundn, de i no imma aufheb –

obwois in da Mittn an Schprung hod …

Für dieses Gedicht erhielt Gaby Eder aus Heiligeneich den Literaturpreis 2005 für Lyrik, den das „Forum Land“ jährlich ausschreibt.